Fréttir

Vestmannaeyjavöllur númer 34 yfir bestu golfvelli á Norðurlöndum samkvæmt Golf Digest í Svíþjóð

  24.01.2017

Í 7. tbl. (2016) Golf Digest í Svíþjóð eru 100 bestu golfvellir Norðurlandanna tíundaðir. Matið var unnið af golfvallahönnuðum, PGA golfkennurum, PGA kylfingum, blaðamönnum og fleiri sérfræðingum í golfíþróttinni. Vestmannaeyjavöllur lenti í 34. sæti á listanum sem er frábær kynning fyrir okkar fallega golfvöll. Fimm íslenskir golfvellir komust inn á listann og var Vestmannaeyjavöllur annar á eftir Hvaleyrarvelli í Hafnarfirði sem lenti í 15. sæti. Þetta eru frábærar fréttir fyrir okkur en kemur kannski ekki mikið á óvart þar sem ótrúlega gott orð fer af Vestmannaeyjavelli meðal gesta sem koma til Eyja í golf.

Recent Posts

    Golfhermirinn kominn í gagnið

      20.11.2017

    Eins og félagsmenn vita hefur golfgreiningartækið Trackman verið tekið í notkun hjá okkur í GV. Tækið mun gefa okkur tækifæri á mun öflugra vetrarstarfi bæði fyrir afrekskylfingana okkar sem og hinn almenna félagsmann. Kylfingar geta ýmist keypt sér kennslu í Trackman, nýtt tækið til að æfa eða leikið einhverja 35 golfvalla sem eru í herminum. Skráning í tækið fer fram hér á heimasíðu GV undir flipanum "Golfhermir GV". Endilega skoðið þetta umhverfi og ef einhverjar spurningar vakna þá getið þið haft samband við Einar Gunnarsson golfkennara GV í síma 894-2502

    Opin vika fyrir börn og unglinga í Eyjum

      22.05.2017

    Golfklúbbur Vestmannaeyja ætlar að bjóða öllum börnum á grunnskólaaldri á æfingar í fyrstu viku sumarstarfsins. Opnu æfingarnar verða 6. júní, 7. júní og 8. júní. Við munum kynna íþróttina fyrir þeim sem vilja ásamt því að vera með leiki og þrautir sem tengjast golfi. Strax í kjölfarið hefjast svo hefðbundnar æfingar og golfmót sem verða fyrir alla aldurshópa barna og unglinga í sumar. Nánari tímasetningar á æfingum í opnu vikunni munu verað aðgengilegar hér á vefsíðunni og á facebook síðu Golfklúbbs Vestmannaeyja.

    Vinnudagur á vellinum!

      29.04.2017

    Mánudaginn 1. maí verður vinnudagur á golfellinum. Byrjað verður kl. 09.30 og stefnt að því að vinna fram í hádegi. Mæting í golfskála kl. 09.30 og eru félagsmenn hvattir til að mæta. Golfvöllur er lokaður á vinnudegi.

    Eldri Fréttir