Fréttir

Halldór Ingi sigraði ÞORRAMÓT GV

  18.02.2017

Vel heppnuðu Þorramóti GV lauk síðdegis með verðlaunaafhendingu eftir skemmtilegan febrúardag á Vestmannaeyjavelli. 49 keppendur tóku þátt og skemmtu þátttakendur sér vel og líkaði vel að spila í blíðuveðri inná sumarflatir í febrúar. Sigurvegari mótsins var Halldór Ingi Hallgrímsson en hann fékk 32 punkta á 12 holur...flott skor það! Verðlaun voru einnig veitt fyrir 2. og 3. sætið en þau komu í hlut Viðars Hjálmarssonar á 27 punktum og Þóru Ólafsdóttur á 26 punktum. Öldungar GV gáfu nándarverðlaun á 2. og 12. braut og voru það þeir Bjarki Guðnason og Guðmundur Gíslason sem slógu svo glæsilega á þessum brautum að það dugði til verðlauna. Stefnt er að því að halda fleiri slík mót í vetur ef veðurguðirnir verða okkur hliðhollir.

Recent Posts

    Vilt þú vinna golfferð fyrir fjóra til Vestmannaeyja?

      13.06.2018

    Golfvöllur Vestmannaeyja hefur sjaldan verið í betra standi og ætlar að gefa fjórum heppnum einstaklingum ferð til Eyja að spila golf. Innifalið er: 18 holur fyrir fjóra og ferð fram og til baka með Herjólfi.

    Eina sem þú þarft að gera er að deila þessu með vinum þínum og ,,tagga´´ draumahollið sem þú vilt spila með. 
    Dregið verður þann 25. júní n.k.
    Hver vill ekki spila á þeim velli sem stærsta mót sumarsins fer fram...Íslandsmótið í höggleik...
    ​https://golf.is/vestmannaeyjavollur-er-klar-i-slaginn-fyrir-islandsmotid/

    Sjómannamót Ísfélags Vestmannaeyja

      30.05.2018

    Bíll fyrir holu í höggi á 12. braut

    Golfhermirinn kominn í gagnið

      20.11.2017

    Eins og félagsmenn vita hefur golfgreiningartækið Trackman verið tekið í notkun hjá okkur í GV. Tækið mun gefa okkur tækifæri á mun öflugra vetrarstarfi bæði fyrir afrekskylfingana okkar sem og hinn almenna félagsmann. Kylfingar geta ýmist keypt sér kennslu í Trackman, nýtt tækið til að æfa eða leikið einhverja 35 golfvalla sem eru í herminum. Skráning í tækið fer fram hér á heimasíðu GV undir flipanum "Golfhermir GV". Endilega skoðið þetta umhverfi og ef einhverjar spurningar vakna þá getið þið haft samband við Einar Gunnarsson golfkennara GV í síma 894-2502

    Eldri Fréttir